友情与爱情之间的选择
<p>我之前中意咗一个女仔,但系因为我觉得自己当时俾唔到幸福佢而选择退出,</p><p>继续以好朋友嘅身份响佢身边守护佢,照顾佢,</p><p>佢唔开心嘅时候我会陪佢倾计,佢开心嘅时候我心里面亦都会跟住佢开心,</p><p>之后佢同咗我嘅其中一个兄弟一起,无论点比,我觉得佢嘅条件好过我,</p><p>所以有一段时间我认为我嘅退出系正确噶!!</p><p>但系冇几耐,嗰个兄弟俾我知道咗佢响出面偷食,</p><p>响我知道嘅嗰一刻我真系好后悔,后悔自己当初嘅愚笨,</p><p>后悔自己当初点解会放手,所以比起我嘅嗰一个兄弟,</p><p>我更讨厌我自己,我好想打佢,</p><p>但我最终都冇做到,因为点讲都好,</p><p>佢对爱情可能唔好,但佢对友情却做得好好,所以我都系打消咗E个念头,</p><p>之后我知道佢同嗰个女仔离离合合咗好几次,</p><p>而每当我知到佢地分开嘅时候,我心里面反而冇半点开心,</p><p>有嘅反而只有担心,或者,就如我身边班FAN话我咁"好傻"吧,但系爱一个人原本就系甘傻噶啦!!</p><p>到咗今次,佢又再同个女仔散咗,我亦都如往常一样继续响响个女仔身边陪佢,</p><p>希望尽可能地减少佢心里面嘅唔开心,跟住佢同我讲,佢应该同我个兄弟唔会再有可能啦,</p><p>但我个兄弟却响我同其他兄弟面前一日都扮到自己好唔舍得咁(佢系嗰D好难令人捉摸嘅人,</p><p>佢讲边句真边句假根本冇人知,得佢自己知囖),</p><p>所以,我都唔知佢究竟想点?!</p><p>前几日,我地同学聚会,而我,就被安排负责约嗰个女仔,</p><p>由嗰次开始每当我地得闲嘅时候我就同佢响度发信息,渐渐咁,我发现自己开始掩饰唔到啦,</p><p>唔通E个世界真系冇永远嘅秘密嘅?!</p><p>我发现自己越系掩饰,反而越系发现自己爱佢多一D,计计下,以朋友嘅身份响佢身边守护佢都有六年啦,</p><p>好多人都话我咁为嗰个女仔唔值,但鬼叫自己中意咩...</p><p>我想问下大家意见啊!!如果系你地的话,你地话我应该沟翻个女仔,定系就咁算啊?!</p><p>我一直都响度矛盾紧啊!!因为个女仔又好,个兄弟都好,我都唔想冇咗佢地任何一个啊!!</p><p>但我放开咗一次啦,我亦都唔想自己再一次将对佢嘅嗰段感情放开啊!!</p><p>希望大家可以发表下你地宝贵嘅意见吖!!THX!!</p><p></p> <p>好长情...食住上喇...中意人就吾好放手喇...笨小孩</p><p>不過妳依篇野我霖都吾會有好多人好似我甘有耐性慢慢睇曬距</p><p>真係好長吖</p> <p>哈哈!!THX你嘅支持!!多谢你嘅意见!!因为要交戴清楚嘛!!</p><p>如果唔系你地大家就唔会好明我讲咩噶啦!!</p> 个人认为```友情重要过爱情``不过如果可以平衡到就最好啦``呵``` <p>嗯!!我一直都认为友情系比爱情重要,但系,讲真,我对E段爱情好认真,我唔想因为嗰个兄弟而放弃,</p><p>但,我亦都唔想因为我唔放弃而冇咗个兄弟...好矛盾....</p><p>BUT!!都多谢你嘅意见!!多谢你嘅支持!!</p><p></p> <p>噢...我都覺友情重要过愛情囖..</p><p> bUt 愛情係盲目嘀...鐘意就要把握機会...</p><p> </p> <p> 如果我喺你 我就即刻去马追果个女仔 中意一个朲无罪 但系放弃你中意的朲就大罪 </p><p></p><p> </p> <p>以后陪伴你度过一世嘅</p><p>5系你兄弟.</p><p>觉得值得就去争取</p><p> </p> <p>多谢大家咁支持啊!!</p><p>我努力争取紧噶啦!!THX!!</p> <p>去表白啦....你晤试过又点知道个结果,晤试过你系晤会死心噶......好过你现在搞到晤上晤落,训得都晤安乐呀.......搞到感烦做咩姐,系好系坏一试就知道啦....</p> <p>去馬去馬~~!</p><p>最緊要繫自己鍾意... 妳個兄弟會明白妳噶 </p><p></p> <p>G'持你吖 `</p><p>大家都俾勇气你了``你就去试下喇</p> <p>sorry啊.我都答唔到妳呢個問題.因為我自己都陷入咗呢個睏境.</p><p>糸咯.友情-愛情究竟咩重要d啊?</p><p>或者,冇人可以真真切切咁答到呢個問題.</p><p>但糸我就糸因為友情而放棄咗愛情,我自己都唔知啱唔啱.</p><p>跟着感覺走,或者糸最正確嘅.</p>
页:
[1]