|
早在2003年,係一個特殊嘅地方認識咗L小姐,點解特殊,因為個地方係省醫,當時大家一齊住院,彼此鼓勵,彼此支持對方,慢慢我地就產生咗感情,然後就係埋一齊!起初真係過得幾開心,因為我自己當時高三,學習好忙,佢每個星期都嚟學校揾我,陪我食飯!高考完之後,佢同啲同學去唱K都叫埋我,就係咁嘅情況下我識咗M小姐,當時好欣賞M小姐,因為佢唱歌好好聽,好得!出咗嚟唱過幾次K後,大家都冇咩(L小姐同M小姐)!我同L小姐亦都一如既往係埋一齊!直到有一晚L小姐同我講,話M小姐對我有意思,M小姐成日問佢我哩樣果樣,仲話如果我同佢散咗就溝我(當時M小姐祗係講笑,有令一個同學係到作證),但係L小姐就當真,佢開始憎M小姐,佢地搞到好姜,變咗仇人,唔再係朋友!!L小姐亦唔准我同M小姐聯繫,當時我心入面根本冇第個,就算佢唔講,我同M小姐本身都好少聯繫!!事情發展到咁以為結束,但係L小姐仲唔肯罷休,係佢地班個心情一角(每個人都可以將心情寫出嚟,俾所有同學睇),公開咁話M小姐,令到M小姐難堪同傷心!直到佢地畢業,我都冇再見過M小姐,亦都冇聯繫過!而我同L小姐之間嘅問題就越嚟越嚴重,係一次唔覺意嘅情況下,我見到佢手機嘅短信,佢滿住我同第條友係埋,一拖二!我當時好氣憤,諗住散,但係佢話會唔好,佢同條友講清楚!咁我信佢,之後半年內佢真係幾乖!點知半年後,我又發現佢又同條友係埋一齊,仲有幾次呃我,冇翻到屋企都去咗條友到!頂綠帽原來由我高中開始一直戴到我知道嘅時候,足足五年!冇耐就同L小姐散咗,有一日係宿舍上緊Q,突然收到一條聖誕祝福,原來係M小姐發過嚟嘅,就咁我地就開始傾翻偈,佢知道我同L小姐散咗成個心都松曬,我地亦開始無所不談!09年1月某日我地約出嚟行街唱K,冇耐我地係埋一齊!係我同佢一齊哩一年間,我覺得好開心好幸福,一直我都好愛佢,將成個心都擺係佢到!但係踏入10年後,佢開始成個人都變曬,無論我對佢幾好佢都唔滿意,仲成日俾面色我睇,俾脾氣我受!終於情人節佢冇同我過,新年佢同我講分手,跟住同佢前任一齊!佢唔肯同我講原因,直到L小姐係我空間出現之後,佢同我講電話,佢話同我一齊有一半係因為想報復L小姐,一半真係中意我!佢一直都係到利用緊我!!當時我真係好傷心,唔係因為我俾人利用,係因為我付出真心,換來佢嘅狠心!其實佢報復唔到L小姐,因為L小姐根本唔在乎,佢祗係傷害咗我嘅感情,係到玩弄緊感情!!M小姐現在當我係非常普通嘅朋友,有事佢會揾我幫手,無事揾佢佢根本唔會理妳,而我一直當佢係好朋友,佢有問題我出百分之二擺嘅力幫佢,我對佢仲好過自己,但係佢根本冇珍惜過我!!故事到哩到就結束,係到分享自己嘅故事,希望有情人終成眷屬,唔好好似我咁傻!! |
|