最近无论身边嘅朋友定系bbs..都热讨同一个问题——钱途! 可能真系人大咗啦..以前中学.爱就可以一齐..咩都唔顾(当然除咗学业).. 呢家都要谂埋将来,到底我地可唔可以走到最后,到底有无钱结婚,有无钱买屋,养唔养得起老婆ect. 于是最近听见好多男仔都话,分手啦,我养唔起你,我无钱娶你,我唔想误咗你,我爱你所以离开你,你去搵个富二代啦,你父母唔会俾你跟我挨ect. 我好想讲(就我自己而言啦..我唔敢代表所有女仔立场)—— 如果有两个同样爱自己嘅人响面前,一个穷一个富,当然系拣个富啦。于是男就会误会女贪钱,喂,讲真啊,呢个系正常人嘅第一反应啫~ 而且你地知唔知穷嘅定义系咩啊?唔系我地平时大花筒,月头用晒零用钱,之后话无钱就系穷;唔系每个月得400-500零用钱之后饭卡、电话卡、羊城通之类自己一脚踢,搞到无钱使叫穷;唔系阿妈下岗全家靠老豆打份牛工就系穷! 真正意义上穷系指贫穷,连三餐都不得温饱,日常生活必需品都唔够钱买嗰只!所以我想问下你地,当听到呢个选择题嘅时候,有无人愿意跟个所谓嘅"穷人"? 解决完呢个问题..我又想讲讲新时代里面大家口中嘅穷。觉得俾唔到幸福、将来女仔嘅男,成日话因为自己穷,份工无出息,老豆老母唔系好有钱,买唔起新房.. 点解男仔要咁睇死自己呢?姑勿论你会唔会有一日中大奖,或者俾星探发掘从此走上星光大道,但起码你有能力搵份工作挂?年轻系你地嘅筹码,就算无学历,都可以凭经验上位,之后再自考或者咩都得咖?做人最紧要要志气,连你都信唔过自己,叫人地点托付终身? 打个比喻..一个人买咗只狗翻来,但觉得自己唔识照顾佢,于是将佢遗弃街上,心里面谂住等个好心人执只狗翻去养 首先我抱歉将女仔比喻成狗,但我谂唔到更适合嘅比喻..男仔们,你地觉得呢个养狗人做法啱咩? 佢唔识照顾只狗点解唔自己买d书或者问人方法,你以为将佢放出街佢一定会遇到好心人咩?如果无人理只狗要流浪、要吃垃圾、会死咖! 正如你地自认为分手可以唔误咗个女仔,但个女仔之后你肯定佢会过得更好、会搵到更加好嘅人咩? 爱我所以离开我?..哼~真系好笑 所以男仔们唔好再咁多借口啦..你真系爱个女爱到可以忍痛放弃佢,点解你又无信心可以为咗个女奋斗成功呢? |