|
男人话:女人好绝情. 女人话:男人好花心.
男人话:女人话散就散,无得挽留. 女人话:男人话变就变,见一个爱一个.
男人话:女人分手唔够一个月就可以拖第二个. 女人话:男人一齐几年都可以用一个月爱上第个.
男人话:女人好抵死,一句唔再爱你就影都唔见. 女人话:男人好贱格,一句我爱上咗第个就理得你死.
男人话:女人从来都唔中意理下旧情人嘅死活. 女人话:男人成日都中意去调戏下d旧情人.
男人话:女人憎起一个人起嚟,d火可以毁灭全球. 女人话:男人嬲起一个人起嚟,全世界都好似透明咁.
男人话:点解d女人咁中意靓衫靓鞋靓袋? 女人话:点解d男人咁中意打机,飞车,劈酒?
男人话:依家d女人贪慕虚荣,无钱都唔跟你. 女人话:依家d男人只眼生额头顶,样衰d都掉你去咸水海.
男人话:依家养个女人辛苦过养个国宝啊.. 女人话:依家想讨好下自己个男人辛苦过打仗啊..
男人话:点解d女人结婚之后会成个泼妇咁? 女人话:点解d男人结婚之后成条懒蛇咁?
男人话:我想要一个十全十美嘅老婆. 女人话:我想要一个爱我一世嘅老公.
男人同女人嘅要求.其实一样. 只不过,男人中意抱怨货不对版. 而女人中意投诉售后服务. 同样一段爱情. 无论边个先放手,原因不外乎糸(热情转淡,争执变多,爱上第三者,双方父母问题(哩d糸外在因素.),生活压力.).
女人先放手,男人就会恨女人嘅绝情. 男人先放手,女人就会怨男人嘅多情. 男人中意调戏旧情人,糸因为男人多情. 女人唔中意理旧情人,糸因为女人绝情. 无男人嘅多情,唔会有女人嘅绝情. 同样地,无女人嘅绝情,何来男人嘅多情. 哩d野,双方架. 如果将爱情当成游戏,咁,筹码越大,输得越重. 赢,不过一个一辈子嘅承诺. 输,不过一个一辈子嘅信任. 男人似狮子.中意越挫越勇.伤重了,就会变成成年狮,疯狂扫低所有猎物. 女人似猫.中意自己疗伤.伤重了,就会学识闪,学识避,知道哩度痛,就唔会再差只脚落去. 每个男人都单纯过. 每个女人都天真过. 但糸每一个男人,每一个女人,都会有一个绝情,多情嘅人去改变佢嘅好多野. 经历一场唔知好定坏嘅爱情战争之后. 男人会变狮子,女人会变猫,哩d糸未知数. 但糸. 最终嘅结论糸:无一个男人天生中意伤害女人.无一个女人天生中意玩弄男人. 男女之间伤害嘅指数糸一样架. 怪就只可以怪,点解糸错的时间,错的时空,遇上唔知错定对的人. 男人.爱你的时候.他的承诺,真糸承诺.姑勿论佢做唔做得到. 女人,爱你的时候,她的承诺,亦糸承诺.姑勿论佢做唔做得到. 男人唔你的时候.佢的承诺变成谎言.任由你恨佢.但以后的以后,会以旧情人的身份再调戏你. 女人唔爱你的时候.佢就真糸唔再爱你.所有承诺都糸风.吹过就无.而旧情人,充其量都糸一场战争嘅对手. 男人多情. 女人绝情. 哩d糸爱情里面嘅常用定律. 可以改变嘅.糸果个糸适当时候出现嘅人. 爱糸一场战争.亦糸一场赌局. 无论你爱唔爱得起 !!! |
|